Qahramon Aslanov
Hasanali ota
Furqat Qurbonov
Xolis tahlilchi blogi
Jaloliddin Qobiljonov
Yahyoxo‘ja Ulug‘xo‘jayev
Safarali Siddiqov
«InterFutbol» gazetasi
O'zbekiston Milliy axborot agentligi
Ma'murjon Ibragimov
Lionel Messi kamida 2021 yilgacha Kataloniyada qoladi. Mabodo «Barsa» ofisiga kutilmagan xaridor tashrif buyursa, o‘zi bilan juda katta miqdorda mablag‘ olib kelishi darkor - yangi kelishuvga ko‘ra, argentinalik hujumchining tovon puli yozda xabar berilganidek, 300 emas, balki 700 million yevroni tashkil etadi.
Messining bitimni uzaytirishi bilan bog‘liq gap-so‘zlar deyarli yarim yildan buyon davom etmoqda. Ko‘raylik-chi, ushbu jarayonda qanday hodisalar kuzatilgan ekan.
Foydali yolg‘on
Dastlab «Barselona» rahbariyati 5 iyul sanasida Leoning shartnomasini uzaytirish bilan bog‘liq barcha ishlar yakunlangani, faqat futbolchining imzo chekishi qolgani haqida xabar berdi.
Messi ta’tildan qaytganidan so‘ng maxsus marosimda ushbu ishni amalga oshirishi kutilgandi. Umuman, 7 iyul kuni klub prezidenti Xosep Bartomeu Catalunya Radio kanaliga bergan intervyusida argentinalikning yangi kelishuvi yuzasidan barcha masala iyundayoq yechimini topganini aytgandi.
So‘ngra «Barselona»ning AQSh bo‘ylab o‘tkazgan turnesi paytida «ko‘k-anorranglilar» rahbari Mayamida ESPN jurnalistlari savollariga javob qaytararkan, ushbu ma’lumotni to‘ldirishga ham ulgurdi: «Messi biroz avval shartnomaga imzo chekib bo‘ldi. Endi Barselonaga qaytgach, maxsus tadbirda buni rasman e’lon qilish qoldi, xolos».
Keyinchalik Neymar transferi bilan bog‘liq jarayon boshlandi, hammaning fikru xayoli ushbu kelishuvga qaratilgani bois Messining shartnomasi biroz unut bo‘ldi.
Shunga qaramay, prezidentning gaplariga ishonmaslikka tayinli sabab yo‘q edi - chunki argentinalik yulduz klub rahbarining so‘zlarini inkor etmayotgandi.
Taqdimot va rasmiy marosim o‘tkazilmagani, Messining qo‘lida ruchka ushlagan holda tushgan surati yo‘qligiga hech kim e’tibor qaratmadi.
Faqat klub #messi2021 xeshtegi ostida ajoyib rolik tayyorlab, unda muxlislarni Leoning «ko‘k-anorranglilar» libosidagi tarixi bilan tanishtirdi. Hamma ushbu videoni ko‘rib o‘zini xotirjam seza boshladi.
Sir ochilib qoldi
Ammo kutilmaganda paydo bo‘lgan xabarlar xavotirni yanada oshirdi - avgust oyi oxirlarida «Manchester Siti» 300 million yevro ajratib qo‘yganini bildirdi.
Amaldagi kelishuvga ko‘ra, Messining tovon puli aynan shunchani tashkil etar, kataloniyaliklardan ushbu summani faqat sanab olish talab etilayotgandi, xolos.
Barcha yuzida tabassum bilan Bartomeudan ushbu gap-so‘zlarni bartaraf etish maqsadida xaridorlarni haydab, Leoning yangi kelishuvi haqidagi ma’lumotni e’lon qilishni so‘rashdi. Aynan shu pallada sir ochilib qoldi - shartnoma haqidagi va’dalar yolg‘onga o‘xshayotgandi.
«Barselona» vise-prezidenti Jordi Mestre barcha detallar bo‘yicha muhokama o‘tkazilgani, kelishuv bo‘yicha hamma narsa taxt qilingani, faqat zarur qog‘ozlarga imzo chekish qolganini ta’kidladi.
Xo‘sh, bunga qadar klub va futbolchining vakillari nima bilan shug‘ullanishdi ekan? Demak, «Barselona» prezidenti xohishni haqiqatdek ko‘rsatish maqsadida ommani ochiqchasiga aldagan ekanda?
To‘g‘ri, o‘sha pallada Kataloniyaning Ispaniyadan ajralib chiqishi bo‘yicha referendum o‘tkazilayotgan, ushbu holatda nafaqat «Barsa», balki boshqalarning ham Messi shartnomasiga e’tibor qaratishga vaqti yo‘q edi.
Mazkur holatda tamomila boshqa miqyosdagi masala kun tartibidan o‘rin olgandi: mamlakatning hududiy yaxlitligi, Kataloniya klubining Ispaniya chempionatidan chiqish-chiqmasligi va boshqa muhim narsalar.
«Oltin butsa»
8 oktyabrda Ispaniyaning AS nashri Messining yangi shartnomasi bilan bog‘liq jarayonga qaytib, o‘chishga yaqin turgan olovga yog‘ purkagandek bo‘ldi:
«Manchester Siti» «Barselona»ga rasmiy taklif jo‘natishga tayyor - angliyaliklar Leoni o‘z saflariga qo‘shib olish uchun 400 million yevro to‘lashlarini bildirishdi.
Bu borada jiddiy muhokamalar o‘tkazilmoqda va endilikda hammasi argentinalikka bog‘liq bo‘lib qoldi», deyilgandi xabarda. Biroq Argentina termasining JCH-2018 saralashida murakkab ahvolga tushishi tufayli yuqorida ta’kidlangan olov yonmay qolaverdi, oradan 1,5 oy o‘tgach esa hammasi o‘z o‘rniga tushdi.
24 noyabr kuni Messi 2016|2017 yillar mavsumining eng yaxshi to‘purariga aylangani uchun faoliyatidagi to‘rtinchi «Oltin butsa»ni qabul qilib oldi.
Keyingi kun esa argentinalikning yangi shartnomaga imzo chekayotgani tasvirlangan suratlar paydo bo‘ldi. To‘g‘ri, klub rahbariyati aytganidek, kelishuv umrbod tuzilmadi, ammo «Barsa» vakillarini shu ham qanoatlantirgani aniq.
Leo Kataloniyada qoladi, uning «Barselona»dagi faoliyati davom etadi. Yangi yilgacha bir oyga yaqin vaqt bor, «ko‘k-anorranglilar» ishqibozlarining aksariyati esa o‘z sovg‘asini olishga ulgurdi. Ko‘pchilik buni mo‘’jizaga qiyoslayotgan bo‘lsa, ajabmas.
Darhaqiqat, Lionel Messi DAVOMI
