Qahramon Aslanov
Hasanali ota
Furqat Qurbonov
Xolis tahlilchi blogi
Jaloliddin Qobiljonov
Yahyoxo‘ja Ulug‘xo‘jayev
Safarali Siddiqov
«InterFutbol» gazetasi
O'zbekiston Milliy axborot agentligi
Ma'murjon Ibragimov
Har holda oliy ligadan biror futbolchining Rossiya chempionatiga ketganini har doim ham ko‘ravermaymiz.
Shu bois O‘zbekiston terma jamoasi hujumchisiga bo‘lgan qiziqish yanada oshib ketdi. Biroq o‘tgan hafta urchigan gap-so‘zlar avvalgisidan ancha farq qiladi. Bunaqasini ilgari eshitmagandik.
TAQDIMOTDAGI TASHVIQOT
«Bunyodkor» klubi oliy liga ikkinchi davrasi boshlanishi oldidan yangi futbolchilar taqdimotini o‘tkazishi haqida xabar berilgandayoq Eldor Shomurodov masalasi ham ko‘tarilishi oldindan kutilgandi.
Chunki o‘zbek futbolida transfer yangiliklari masalasida ulkan maxfiylik mavjud - o‘yinchiga yana kimlar qiziqish bildirgan, uning transfer qiymati qancha, maosh masalasi qanaqa? Bu savollarga javob olishni hamma istardi.
Evropa va jahon futboliga qaraydigan bo‘lsak, bu taxlit yangiliklar allaqachon millionlar o‘yinining tarkibiy qismiga aylanib ulgurgan. Bizda esa yashirishadi. Ammo baribir, Shomurodovning transferi borasida albatta, kimdir so‘rashi aniq edi.
Matbuot anjumani avji qizigan mahal o‘sha savol berildi - «Eldor Shomurodov qancha mablag‘ evaziga xorijga ketdi?» Savol aniq, ammo aniq javob olish umidi u qadar katta emasdi.
Shunday ham bo‘ldi. «Bunyodkor» vise-prezidenti Murod Aliyev Shomurodovning transfer qiymatini aytmadi, ammo u bilan bog‘liq ko‘p narsalarni ochiq-oydin so‘zlab o‘tdi. Bahonada ko‘p narsalarni bilib oldik.
ALIYEVNING JAVOBI
- Agar futbolchini mavsum oxirigacha ushlab turganimizda u jamoamizdan tekinga ketishi mumkin edi. Shuning uchun «Rostov» bilan muzokara o‘tkazib, klub hisobiga biroz bo‘lsa-da pul tushirib oldik. Qancha olganimiz esa sir bo‘lib qo‘ya qolsin.
«Nasaf»ga qarshi kechgan o‘ta muhim o‘yin oldidan Eldor Shomurodovning agenti keldi va u bilan gaplashib oldik. Hujumchi va «Rostov» o‘rtasida shartnoma imzolanganini oldindan bilib turgandik.
Albatta, asablarimiz buzildi. Shunga qaramay, bosh murabbiy Mirjalol Qosimov bilan maslahatlashgan holda futbolchiga indamay turishga qaror qildik.
Ertasi kuni «Nasaf» bilan o‘yin bo‘lib o‘tdi va Shomurodov gol urib, bitta samarali uzatmani amalga oshirdi. Biz g‘alaba qozondik. E’tiborlisi, bungacha uning o‘yini bu qadar yaxshi chiqmayotgandi.
Uchrashuvdan so‘ng Shomurodovni qancha urishmaylik, so‘kmaylik, endi kech bo‘lgandi. Shuning uchun yaxshilikcha xayrlashdik. Hech qanday muammo tug‘ilmadi, biz unga omad tiladik.
Men Eldorni futbolchi sifatida tushunaman. Rossiya premyer-ligasida o‘ynashdek imkoniyat bir marta berilishi mumkin. Balki uning o‘rnida o‘zim bo‘lganimda ham shunday yo‘l tutarmidim?!
Biroq Eldor jamoadoshlari va murabbiylar shtabi bilan xayrlashib ketishi kerak edi. Agar vaziyatni tushuntirib, kuchli chempionatga ketish niyati borligini oldindan aytganda, biz to‘g‘ri qabul qilgan bo‘lardik.
Eldor bilan bog‘liq masala o‘zbek futboli manfaatidan kelib chiqib hal qilindi. Hozir O‘zbekiston milliy terma jamoasi jahon chempionati final bosqichiga chiqish uchun kurashmoqda.
Agar mundial yo‘llanmasi qo‘lga kiritilsa, hammamizga yaxshi bo‘ladi. Davlatimiz obro‘yi oshadi. Shuning uchun Shomurodovni ortiqcha muammosiz qo‘yib yubordik.
Mabodo qaytib kelsa, jamoa eshiklari ochiq ekanini ham aytganmiz. U qaytgach, avvalo, o‘zimizda o‘ynashini istaymiz.
QOSIMOVNING JAVOBI
«Bunyodkor» vise-prezidentidan so‘ng jamoa bosh murabbiyi Mirjalol Qosimov ham Eldor Shomurodov masalasida o‘z fikrini bildirib o‘tdi.
Uning javobi Murod Aliyevnikidan deyarli qolishmadi. Faqat bir istisno - u Shomurodovning ketishini hech qanaqasiga oqlamaydi.
- Shomurodovning «Rostov»ga ketayotganini Chimyonda o‘tkazilgan yig‘in vaqtida bilib qoldik. Qaysidir muhim bahs, adashmasam, «Lokomotiv» bilan bo‘lgan edi, o‘sha o‘yindan so‘ng futbolchilarga bir kunlik dam berildi.
Eldor shu bir kun ichida Moskvaga borib, «Rostov» bilan shartnoma imzolab kelishga ulguribdi. Bizdan yashirib, hamma ishni bitirib bo‘lgan. Ochig‘i, o‘zimiz ham hayron qoldik. O‘ylaymanki, bir og‘iz aytib qo‘yganda, yo‘q demasdik.
Uning bu ishini hech qanaqasiga to‘g‘ri, deb hisoblamayman. Futbolchi sifatida ham, murabbiy sifatida ham. Shomurodov oldin o‘zimizda o‘ynab, biror narsaga erishishi lozim edi.
Rossiya chempionatida ko‘p yillar to‘p surganman va u yerda o‘zini o‘nglab olish oson emasligini juda yaxshi bilaman. Har kuni og‘ir mehnat qilish kerak.
Shu bois Eldorning oldin o‘zimizda tajriba orttirishini istagandim. Uning ketayotganini bilganimizda esa kech bo‘lgandi.
Shomurodov bu yil qancha o‘yin o‘tkazdi va nechta gol urdi? «Bunyodkor» tarkibida oliy liga, kubok va Osiyo Chempionlar Ligasida ishtirok etdi. Qolaversa, O‘zbekiston milliy terma jamoasi safida maydonga tushdi.
Ammo nechta to‘p kiritdi? DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
