Jahon chempionati-2026

АҚШ, Мексика ва Канада мезбонлигади ўтадиган Жаҳон чемпионатини ўтказиш борасида бир нечта регламентлар бор. Бевосита ўйинларни ўтказиш қонун-қоидаларига бағишланган регламентнинг муҳим жиҳатларига тўхталиб ўтамиз.

ЎЙИН ҚОИДАСИ:

1. Ҳар бир ўйин 90 дақиқадан иборат бўлади. Ўйин ҳар бири 45 дақиқадан иборат 2 та бўлим ва 15 дақиқалик танаффусдан иборат бўлади. Плей-офф ўйинларининг асосий вақти дуранг билан тугаса, ҳар бири 15 дақиқадан иборат 2 та қўшимча тайм белгиланади. Шундан кейин ҳам ғолиб аниқланмаса, навбат пенальтилар сериясига берилади. Ҳар бир бўлим сўнгида захира ҳаками таймга неча дақиқа компенсация вақти қўшилганини кўрсатади.

2. Ҳар бир терма жамоа 26 нафардан иборат якуний рўйхатни ФИФАга топширади. Улардан 3 нафари дарвозабонлар бўлиши шарт. Регламентга кўра, футболчиларнинг либосларидаги рақамлар 1 дан 26 гача бўлиши шарт. 1-рақам эса дарвозабонлардан бирига берилиши шарт. Қолган дарвозабонларга эса 2 дан 26 гача бўлган рақамлардан бири берилиши мумкин. Эътиборли томони, ҳар бир терма жамоа камида бир дона захира дарвозабон либосига эга бўлиши шарт. Бу формага рақам ва исм-фамилия ёзилмайди. Учрашув пайтида дарвозабон майдондан четлатилиб, жамоада футболчи алмаштириш имконияти қолмаганида дарвозага турадиган майдондаги ўйинчи мазкур формани кийиб олади.

3. Ушбу рўйхатга киритилган футболчилардан бир нафари жиддий жароҳат олган тақдирда (бу ҳақда тиббий хулоса ФИФАга тақдим этилади), ўша жамоанинг мусобақадаги биринчи ўйинига 1 қолгунга қадар таркибга бошқа ўйинчининг киритилишига рухсат берилади.

4. Ўйин қайдномасига 11 нафар асосий таркиб ва 15 нафар захира таркиб футболчилари киритилади. Ўйин қайдномаси учрашув бошланишига 85 дақиқа қолганида тўлдирилади. Ўйин давомида мураббий 5 нафар ўйинчини майдонга тушириши мумкин. Шунингдек, плей-офф босқичи баҳси қўшимча бўлимларга ўтадиган бўлса, жамоаларга яна бир ўзгариш қилиш имконияти берилади.

5. Ўйин бошлангунига қадар чигалёзди машғулот жараёнида футболчи жароҳат олса, унинг ўрнига бошқа ўйинчи алмаштирилади ва бу ўзгартириш умумий алмаштиришлар сонига кирмайди.

МУСОБАҚА ФОРМАТИ:

6. ЖЧ-2026да жами 48 та жамоа иштирок этади. Улар қуръа натижасида 12 та гуруҳга (“А”дан “L”гача) бўлинишган.

7. Жамоалар гуруҳ босқичида бир-бири билан ўзаро бир мартадан ўйнаб чиқишади. Ҳар бир ўйинда: ғолиб жамоага 3 очко, дуранг учун ҳар бир жамоага 1 очкодан берилади, мағлубият учун очко берилмайди.

8. Гуруҳларда биринчи ва иккинчи ўринни эгаллаган жамоалар ҳамда учинчи ўринни эгаллаган жамоалар орасида энг яхши кўрсаткичга эга бўлган 8 таси плей-офф босқичига чиқади.  Жамоаларнинг гуруҳдаги ўринлари қуйидаги тамойиллар асосида аниқланади:

A) гуруҳда энг кўп очко тўплаган жамоа;

Икки ёки ундан ортиқ жамоаларнинг очколари тенг келиб қолса:

B) Ўзаро ўйинларда энг кўп очко тўпланган жамоа;
С) Ўзаро ўйинларда энг яхши тўплар фарқига эга бўлган жамоа;
D) Ўзаро ўйинларда кўп гол урган жамоа;

Агар ушбу мезонлар (B-D) қўлланилгандан кейин ҳам икки жамоанинг кўрсаткичлари бир хил бўлиб қолса, юқоридаги 3 та кўрсаткич мазкур икки жамоа учун қайта қўлланилади. Агар б ҳам ечим бермаса, кейинги мезонлар (E–G) қўлланилади:

E) Барча гуруҳ ўйинларидаги умумий тўплар фарқи;
F) Барча гуруҳ ўйинларида урилган голлар сони;
G) Фэйр-плей қоидаси. Бунда:

Сариқ карточка: −1 очко
Иккинчи сариқ (билвосита қизил): −3 очко
Тўғридан-тўғри қизил карточка: −4 очко
Сариқ + тўғридан-тўғри қизил: −5 очко

H). Энг сўнгги ФИФА рейтингидаги ўрин;

I). Зарур бўлса, янада олдинги рейтинглар бўйича солиштириш (жамоалар ажратилмагунча).

9. Ҳар бир гуруҳнинг сўнгги тур ўйинлари бир вақтда бошланиши шарт.

10. Плей-офф босқичида ўйиннинг асосий вақти дуранг билан якунланса, қўшимча бўлимлар белгиланади. Қўшимча бўлимлар баҳснинг асосий вақти якунланганидан сўнг 5 дақиқа ўтиб бошланади. Қўшимча бўлимлар орасида танаффус берилмайди. Жамоалар қўшимча бўлимларни тўлиқ ўтказишади. Қўшимча бўлимлардан сўнг ҳам ғолиб аниқланмаса, навбат пенальтилар сериясига берилади.