O‘zbekiston futbol assosiasiyasi Tartib-intizom qo‘mitasining navbatdagi yig‘ilishi bo‘lib o‘tdi. Unda so‘nggi turlar doirasida bo‘lib o‘tgan uchrashuvlardagi intizomiy ishlar ko‘rib chiqildi.

Superliga

“Surxon” — “Buxoro”

O‘zbekiston Superligasining 15-turi doirasidagi “Surxon” — “Buxoro” uchrashuvining 45+1-daqiqasida “Surxon” jamoasi murabbiyi Fevzi Davletov, 90+6-daqiqasida esa ushbu jamoa futbolchisi Behzod Shamsiyev hakam qaroriga e’tirozi uchun sariq kartochka olgan.

Tartib-intizom qo‘mitasi qaroriga ko‘ra, ularning har ikkisiga nisbatan jarima intizom chorasi qo‘llanildi.

“Dinamo” — “Nasaf”

15-tur doirasidagi “Dinamo” — “Nasaf” uchrashuvining 61-daqiqasida “Nasaf” jamoasi futbolchisi Akmal Mozgovoy hakam qaroriga e’tirozi uchun sariq kartochka olgan.
Tartib-intizom qo‘mitasi qaroriga ko‘ra, Akmal Mozgovoyga nisbatan jarima intizom chorasi qo‘llanildi.

Shuningdek, uchrashuv mobaynida stadionga tashrif buyurgan muxlislar tomonidan yelim idishlar uloqtirilishi oqibatda o‘yinda faoliyat olib borayotgan fotomuxbirga tekkan. Uchrashuv yakunlanganidan so‘ng tribuna osti yo‘lagiga olib kirilayotgan hakamlar brigadasiga ham yelim idishlar va turli xil jismlar uloqtirilgan.

“Superliga va Pro liga reglamenti”ning 15.4 — bandida klub o‘z tomoshabinlari (jamoa muxlislari), shuningdek, klub nomidan biror bir uchrashuvda muayyan vazifani bajarayotgan har qanday shaxs xulqi uchun javobgar hisoblanishi belgilangan. Stadionda jamoat tartibi va xavfsizlikni ta’minlamagani uchun “Dinamo” klubiga nisbatan jarima intizom chorasi qo‘llanildi.

“Paxtakor” — “Navbahor”

15-tur doirasidagi “Paxtakor” — “Navbahor” uchrashuvining 83-daqiqasida “Paxtakor” vakili Bashar Resan o‘yin vaqtini cho‘zganligi uchun sariq kartochka olgan.
Tartib-intizom qo‘mitasi qaroriga ko‘ra, Bashar Resanga nisbatan jarima intizom chorasi qo‘llanildi.

“Neftchi” — “Xorazm”

Superliganing 15-turi doirasidagi “Neftchi” — “Xorazm” uchrashuvining 68-daqiqasida “Xorazm” jamoasi futbolchisi Ixtiyor Toshpo‘latov hakam qaroriga e’tirozi uchun sariq kartochka olgan.

Tartib-intizom qo‘mitasi qaroriga ko‘ra, Ixtiyor Toshpo‘latovga nisbatan jarima intizom chorasi qo‘llanildi.

“Andijon” — “Bunyodkor”

Superliganing 15-turi doirasidagi “Andijon” — “Bunyodkor” uchrashuvining 73-daqiqasida “Andijon” jamoasi futbolchisi Ilhomjon Abdug‘aniyev zaxira o‘rindig‘iga yaqinlashayotganda muxlislar tomonidan unga nisbatan e’tiroz bildirilgan va bunga javoban futbolchi muxlislariga qarata nomaqbul ishora (jest) ko‘rsatgan. Bu esa muxlislarning katta noroziligiga hamda ommaviy tartibsizlikka sabab bo‘lgan. Shundan so‘ng mezbon jamoa zaxira o‘rindig‘iga turli xil jismlar uloqtirilgan.

Tartib-intizom qo‘mitasi qaroriga ko‘ra, Ilhomjon Abdug‘aniyevga nisbatan 2 ta o‘yinga chetlashtirish va jarima intizom chorasi qo‘llanildi.

U-21 chempionati

“Neftchi U-21” — “Buxoro U-21”

“Superliga va Pro liga reglamenti”ning 15.17 — bandida mezbon klub va vaziyatdan kelib chiqib mehmon klub o‘yin tugashi bilan 120 daqiqa ichida inspektorga hamda 24 soat ichida Ligani uchrashuvning raqamli shakldagi videoyozuvini talab qilingan formatda taqdim etishi shart. Bunda tasvir shartli ravishda taymer yoqilgan holda jamoalarning maydonga chiqish paytidan to kiyinish xonasiga qaytishgacha butun uchrashuv davomida uzluksiz suratga tushirilishi zarur bo‘lsa-da, mazkur uchrashuvda “Neftchi U-21” jamoasi uchrashuv videoyozuvini belgilangan vaqt ichida Ligani taqdim etmagan.
Tartib-intizom qo‘mitasi qaroriga ko‘ra, “Neftchi” klubiga nisbatan jarima intizom chorasi qo‘llanildi.

“Surxon U-21” — “Buxoro U-21”

15-turi doirasidagi “Surxon U-21” — “Buxoro U-21” uchrashuvining 80-daqiqasida “Surxon U-21” jamoasi futbolchisi Kamronbek Yusupov hakam qaroriga e’tirozi uchun sariq kartochka olgan. Uchrashuvning 67-daqiqasida “Buxoro U-21” jamoasi murabbiyi Mirislom Hasanov hakam qaroriga e’tirozi uchun sariq kartochka bilan jazolangan.
Tartib-intizom qo‘mitasi qaroriga ko‘ra, ularning har ikkisiga nisbatan jarima intizom chorasi qo‘llanildi.

“Andijon U-21” — “Bunyodkor U-21”

U-21 chempionatining 15-turi doirasidagi “Andijon U-21” — “Bunyodkor U-21” uchrashuvining 45+1-daqiqasida “Bunyodkor U-21” jamoasi futbolchisi Abdulazixon Abdurashidov hakam qaroriga e’tirozi uchun sariq kartochka olgan.
Tartib-intizom qo‘mitasi qaroriga ko‘ra, Abdulazixon Abdurashidovga nisbatan jarima intizom chorasi qo‘llanildi.

“Dinamo U-21” — “Nasaf U-21”

15-tur doirasidagi “Dinamo U-21” — “Nasaf U-21” uchrashuvining 31-daqiqasida “Nasaf U-21” jamoasi futbolchisi Mirshodbek Suyunov hakam qaroriga e’tirozi uchun sariq kartochka olgan.
Tartib-intizom qo‘mitasi qaroriga ko‘ra, Mirshodbek Suyunovga nisbatan jarima intizom chorasi qo‘llanildi.

“Paxtakor U-21” — “Navbahor U-21”

15-tur doirasidagi “Paxtakor U-21” — “Navbahor U-21” uchrashuvining 85-daqiqasida “Navbahor U-21” jamoasi futbolchisi Sherzodbek Abdulboriyev hakam qaroriga e’tirozi uchun sariq kartochka olgan.
Tartib-intizom qo‘mitasi qaroriga ko‘ra, Sherzodbek Abdulboriyevga nisbatan jarima intizom chorasi qo‘llanildi.

“Neftchi U-21” — “Xorazm U-21”

U-21 chempionatining 15-turi doirasidagi “Neftchi U-21” — “Xorazm U-21” uchrashuvining 90-daqiqasida “Neftchi U-21” jamoasi futbolchisi Muhammadjon Tohirjonov o‘yin vaqtini cho‘zganligi uchun sariq kartochka olgan.
Tartib-intizom qo‘mitasi qaroriga ko‘ra, Muhammadjon Tohirjonovga nisbatan jarima intizom chorasi qo‘llanildi.

Uchrashuvning 90+3-daqiqasida “Xorazm U-21” jamoasi futbolchisi A’zamjon Abdullayev to‘p uchun kurashda raqib futbolchisining oyog‘iga oyog‘i bilan zarba bergani uchun qizil kartochka olgan.

Tartib-intizom qo‘mitasi qaroriga ko‘ra, A’zamjon Abdullayevga nisbatan 2 ta o‘yinga chetlashtirish intizom chorasi qo‘llanildi.

Bundan tashqari, komissar bildirgisiga ko‘ra, “Neftchi U-21” jamoasi uchrashuvga yetarli darajada tayyorgarlik ko‘rmagani aniqlangan. Jumladan, stadionda ovoz kuchaytirgich ishlamagani, o‘yin rasmiylarini kutib olish bilan bog‘liq masalalarga mas’uliyatsizlik qilingani hamda uchrashuv videoyozuvini belgilangan vaqt ichida Ligani taqdim etmagan.

Shuningdek, “Neftchi U-21” jamoasi uchrashuvga kelmagan shifokor va ma’murni qaydnomag‘a kiritib, uchrashuv rasmiylariga yolg‘on ma’lumot bergan.

Tartib-intizom qo‘mitasi qaroriga ko‘ra, “Neftchi” klubiga nisbatan jarima intizom chorasi qo‘llanildi.

Barcha murabbiy, futbolchi, hakam va rasmiylarni har qanday vaziyatda ehtiroslarga berilmasdan, professional bo‘lishga chaqiramiz. Sizlar o‘sib kelayotgan yoshlar uchun namuna ekanliklaringizni yana bir bor eslatib o‘tamiz!