Dunyo futbolida shunday futbolchilar borki, mamlakat chempionligi, hattoki arzirli titul qo‘lga kiritmasa ham ishqizbozlar mehriga, futbolda o‘z obro‘siga ega.

Bunday mashhurlarni turli misollar bilan keltirsak bo‘ladi. Sokrates, Bobbi Mur, Stenli Metyus...

Biz klublardagi faoliyatida biror marta ham mamlakat chempionligini qo‘lga kirita olmagan Top futbolchilar haqida so‘z yuritamiz.

Jimmi Floyd Xasselbenk

Siz Hasselbainkni jahon miqyosidagi superyulduz deb o‘ylamasligingiz mumkin, lekin u Premer-liga to‘purarlari ro‘yxatida Dide Drogba, Yan Rayt va Krishtianu Ronaldu kabi afsonaviy nomlarni ortda qoldirib, 16-o‘rinni egallab turibdi va u ikki marta Oltin butsani qo‘lga kiritgan.

Niderlandiyaning sobiq futbolchisi "Lids Yunayted", "Atletiko Madrid" va eng muhimi, «Chelsi» kabi jamoalarni himoya qilgan. Ammo u ko‘targan kumush sovrinlar «Chelsi» bilan xayriya qalqoni va «Boavista» bilan "Tasa de Portugal" edi.

Jeymi Karrager

Jerrard singari, Karrager ham «Liverpul»ning 2005 yilgi Chempionlar ligasida g‘alaba qozongan futbolchilardan biri edi. Ammo Jerrard singari, Premer-liga ham uni chetlab o‘tdi.

"Klubdagi faoliyatim davomida chempionlikni qo‘lga kirita olmaganimiz yaxshi hujjatlashtirilgan, shuning uchun men o‘ylaymanki, ko‘plab menejerlar men o‘ynagan vaqtimda «Liverpul»ga ma’qul keladigan takliflarga ega bo‘lgan", - deya eslaydi u Sky Sports nashriga bergan intervyusida.

«Liverpul» vanihoyat, 2020 yilda APLda g‘olib bo‘ldi hamda o‘shanda jamoa tarkibida Virjil van Deyk, Alisson va Muhammad Saloh kabi futbolchilar jamlanishdi. Karrager Alberto Akvilani va El Xodji Diuf kabi noto‘g‘ri transferlar sabab «qizillar» «Enfild»dagi 17 yil davomida hech qachon g‘alaba qozonmaganini yodga oladi.

Robbi Fouler

Fauler ingliz futbolida ishtirok etgan beshta klubdan to‘rttasi 1990 yildan keyin chempionlikni qo‘lga kiritgan - "Lids Yunayted", «Liverpul», "Blekbern Rovers" va "Manchester Siti".

Ammo Robbi Premyer Ligada 163 ta gol urishga muvaffaq bo‘lgan hamda muxlislar e’tiborini qozongan.

Marko Roys

Shubhasiz, Yurgen Klopp qo‘l ostida hech qachon oltin medallarni qo‘lga kiritmagan eng yaxshi o‘yinchi, Roys 2012 yilda o‘z shahrining "Borussiya Dortmund" klubi bilan shartnoma imzolagan edi, ular Bundesliga chempioni bo‘lganlarida va "Borussiya Menxengladbax"dagi so‘nggi mavsumida Kisker tomonidan Bundesliganing eng yaxshi o‘yinchisi deb topilganidan so‘ng.

Roys Klopp qo‘l ostida Dortmund safida sensasion bo‘lib, vatandoshi qo‘l ostida 121 ta o‘yinda 53 ta gol va 44 ta golli uzatmani amalga oshirdi. Ammo uning kelishi «Bavariya»ning treblga erishgan va ketma-ket 11 liga chempionlik davrini boshlagan paytga to‘g‘ri keldi.

34 yoshli futbolchi o‘tgan mavsumda Bundesligada g‘alaba qozonishga eng yaqin kelgan edi, o‘shanda Dortmund so‘nggi daqiqalarda gol o‘tkazib yubordi. Oxirgi turda o‘z uyida «Maynts»ga qarshi o‘yinda 2:2 hisobidagi durang natija qayd etib, ularni so‘nggi o‘n yillikdagi eng oddiy «Bavariya»ni yana bir bora o‘tkazib yuborishga muvaffaq bo‘ldi.

U boshqa hech qachon bunday yaxshi imkoniyatga ega bo‘lmaydi. Bu esa biroz dilni xira qiladi.

Fernando Torres

Jahon chempionati. Chempionlar ligasi. Uning faoliyati davomida roppa-rosa ikki yuzta gol. "Atletiko Madrid", «Liverpul», «Chelsi» va «Milan» kabi klublarda o‘ynaganiga qaramay, ularning hech biri bilan mamlakat chempionligini qo‘lga kirita olmadi.

Shuningdek, u Yaponiyada ham faoliyat olib borgan. Qarangki, u yerda "Sagan Tosu" bilan quyi ligaga tushib ketishidan qutulib qolgan.

Antuan Grizmann

Grizmann Fransiyaning 2018 yilgi jahon chempionatida g‘alaba qozonganida eng yaxshi futbolchisi edi. O‘sha yili fransiyalik forvard “Oltin to‘p” reytingida uchinchi o‘rinni egalladi va shubhasiz, u Luka Modrichning yaqqol raqobatchisi bo‘lgan.

U 2022 yilgi finalgacha bo‘lgan o‘yinda yana bir bor ajoyib o‘yinlarini namoyish etdi va hozirda u "Atletiko Madrid"ning barcha vaqtlardagi eng yaxshi to‘purari bo‘lib, «Barselona»dan Madridga qaytganidan keyin o‘zining avvalgi darajasini yana tiklashga muvaffaq bo‘lmoqda..

Ammo uning klubdagi faoliyati deyarli muvaffaqiyatsiz bo‘lib kelmoqda. U 2014 yilda «Atletiko» bilan shartnoma imzolaganda, «matraschilar» La Liga chempioni bo‘lgandi. Grizmann 2020-21 yilda «Barselona» o‘tganda Diyego Simeone shogirdlari ikkinchi chempionlikni qo‘lga kiritgan edi. «Barsa» esa Antuan ketishi bilan La Ligada chempionlikka erishdi.

Grizmanning liga chempionligini qo‘lga kiritishi uchun hali vaqt bor, ya’ni u faoliyatini MLSda davom ettirishi ehtimoli ham bor.

Ayni vaqtda fransiyalik futbolchi 33 yoshda va qaysidir klub bilan mamlakat chempionligini qo‘lga kiritish imkoniyati saqlanib qolgan.

Stiven Jerrard

"Kim nima desa desin, Stiv «Liverpul» tarixidagi eng yaxshi futbolchilardan biri", - deydi Fernando Torres.

El Ninyo Stiv haqida gaprigani bejizmas, chunki «Liverpul»ning afsonaviy sardori bilan bir qancha ajoyib o‘yinlarni birga boshidan kechirgan.

Darhaqiqat, Jerrard klub tarixidagi eng yaxshi futbolchilar qatorida turadi, ammo u klub bilan APL chempionligini qo‘lga kirita olmagan. Jamoa ingliz futboli tarixida 19 ta sovringa ega chiqqan.

Ayniqsa, o‘sha 2008-09 va 2013-14 yilgi mavsumlarda, «Liverpul» juda yaqin bo‘lganida va Jerrard, Torres va Luis Suares kabi top futbolchilar klub tarkibida bo‘lgan. Lekin oxir-oqibat chempionlik nasib qilmagan.

Xarri Keyn

Rostini aytganda, ushbu ro‘yxatdagi aksariyat o‘yinchilardan farqli o‘laroq, Keyn hali ham o‘ynamoqda. Taqdirning aql bovar qilmaydigan g‘aroyibotlarini hisobga olmaganda, Keyn o‘z faoliyatini kamida bitta chempionlik unvoni bilan yakunlaydi.

Ammo Angliya va «Tottenxem»ning barcha vaqtlardagi eng yaxshi to‘purari 30 yoshga to‘lgan hamda hech bo‘lmaganda bitta sovrinni qo‘lga kiritmagani dilni xira qiladi.

Angliya termasi oxirgi marta 1966 yilda Jahon chempioni bo‘lgan, «Tottenxem» esa 1961 yilda APL chempionligini qo‘lga kiritgan. Gap nima haqida ketayotganini tushungandirsiz?

Yozgi transferlar oynasida u «Bavariya»ga kelib qo‘shildi, omadsizlik shu bo‘lsa kera, myunxenliklar qatorasiga 11 mavsumlik gegemonlikdan so‘ng, Bundesliga g‘olibligini «Bayer»ga topshirib qo‘ydi, «Bavariya» esa Germaniya kubogidan ham chiqib ketgan. Klub oldida birgina Yevropa Chempionlar Ligasi qolgan. U yerda ham yarim finaldagi raqib "Real Madrid". Xullas, Xarri Keynga haqiqatdan ham achinasan kishi.